අපනයන සංවර්ධන මණ්ඩලය

අපනයන සංවර්ධන මණ්ඩලයේ සේවාවන් සඳහා ලියාපදිංචි වීම


අපනයනකරුවෙකු ලෙස ලියාපදිංචි වීම

ශ්‍රී ලංකා අපනයන සංවර්ධන මණ්ඩලය විසින් අපනයනකරුවන් ලියාපදිංචි කිරීම 1979 අංක 40 දරණ අපනයන සංවර්ධන පනතේ 29 (2) (ඈ) වගන්තිය සහ 1985 ජූනි 27 දිනැති අංක 355/14 දරන ගැසට් නිවේදනයේ දක්වා ඇති නියෝගය අනුව වර්ෂ 1985 සිට ක්‍රියාත්මක කරනු ලබයි

ශ්‍රී ලංකා අපනයන සංවර්ධන මණ්ඩලයේ අපනයනකරුවෙකු ලෙස ලියාපදිංචි වීම සඳහා අවශ්‍ය උපදෙස්

නිසි පරිදි සම්පුර්ණ කරන ලද අයදුම්පත පහත දැක්වෙන උපකාරක ලේඛන සමඟ මුල් පිටපත් හා ඡායා පිටපත් සමග එක් එක් කාණ්ඩය යටතේ ඉදිරිපත් කළ යුතුය.

  • තනි පුද්ගල ව්‍යාපාර
    • තීරු අංක 2 (General nature of Business)යටතේ අපනයන යනුවෙන් සඳහන් තනිපුද්ගල ව්‍යාපාර ලියාපදිංචි සහතිකය (BRC)
    • ව්‍යාපාර හිමිකරුගේ ජාතික හැඳුනුම්පතෙහි ඡායා පිටපතක්
  • හවුල් ව්‍යාපාර
    • තීරු අංක 2 යටතේ අපනයන යනුවෙන් සඳහන් හවුල් ව්‍යාපාර ලියාපදිංචි සහතිකය
    • අයදුම්පත්‍රයේ  අත්සන්කර ඇති හවුල්කරුවන්ගේ ජාතික හැඳුනුම්පත්වල  ඡායා පිටපත්
  • සීමාසහිත සමාගම්  (පුද්ගලික /පොදු ) (2007 සමාගම් පනත යටතේ ලියාපදිංචි සමාගම්)
    • සංස්ථාපිත සහතිකය
    • සමගම ලියාපදිංචිකිරීමේ සහතිකය  – පෝරම අංක 01/පෝරම අංක 40 (සමාගම් රෙජිස්ත්‍රාර් දෙපාර්තමේන්තුව මගින් සහතික කල යුතුය)
    • සමාගමේ කලමනාකර අධ්‍යක්ෂ හෝ සමාගමේ ඕනෑම අධ්‍යක්ෂ වරයෙක් අයදුම්පත්‍රයේ තීරු අංක 12 යටතේ අත්සන්කර රබර් මුද්‍රාව තබා තිබිය යුතුය
    • අයදුම්පත්‍රයේ අත්සන්කොට ඇති කලමනාකර අධ්‍යක්ෂ/අධ්‍යක්ෂ වරයාගේ/වරියගේ ජාතික හැඳුනුම්පතෙහි ඡායා පිටපතක්
    • සමාගමේ අපනයනයන් තහවුරු කරන ලෙස ඉල්ලීමක් කරමින් සමාගමේ කලමනාකර අධ්‍යක්ෂ/අධ්‍යක්ෂ වරයා/වරිය විසින් ශ්‍රී ලංකා අපනයන සංවර්ධන මණ්ඩලයේ වෙළඳ පහසුකම් සැලසීමේ සහ වෙළඳ තොරතුරු අංශයේ අධ්‍යක්ෂ වරයා වෙත යොමු කරන ලද ලිපියක්. 

තේ, මැණික් හා ස්වර්ණාභරණ, ඛනිජ වැලි, ලී භාණ්ඩ, ධීවර නිෂ්පාදන හා රසායනික ද්‍රව්‍ය අපනයනය කිරීම සඳහා අපනයන සංවර්ධන මණ්ඩලයේ ලියාපදිංචිය ඉල්ලුම් කිරීමේදී එම භාන්ඩ නිෂ්පාදනයට අදාළ සහතික / බලපත්‍ර ඔවුන් විසින් ඉදිරිපත් කළ යුතුය උදා.ආනයන හා අපනයන පාලන දෙපාර්තමේන්තුව: http://www.imexport.gov.lk/

අපනයනය කිරීමට ඔවුන්ගේ ඇති කැමැත්ත ප්‍රකාශ කරන පුරෝගාමී ව්‍යාපාර සඳහා මාස තුනක් පමණක් තාවකාලික ලියාපදිංචි සහතිකයක් නිකුත් කරනු ලැබේ. "අපනයනකරු" ලෙස ඔබේ ලියාපදිංචිය ලබා ගැනීම සඳහා, ඔබ වසරක කාලයක් ඇතුළත CUSDEC Form, නෞභාර පත්‍රය / Airway Bill සහ කොමර්ෂල් ඉන්වොයිසිය, එකතු කළ අගය මත බදු සහතික සහ ටින් සහතික ලේඛනගත සාක්ෂි ඉදිරිපත් කිරීමට අවශ්‍ය වේ.

ගෙවිය යුතු ගාස්තු

  • ලියාපදිංචි ගාස්තු : රු. 2500/= (ලියාපදිංචි වීමේදී ගෙවිය යුතුය)
  • වාර්ෂික ලියාපදිංචිය අළුත් කිරීම: සෑම වසරකම ජනවාරි 31 දිනට පෙර - රු. 1000/=
අයදුම්පත්‍රය සහ ක්‍රියාපටිපාටි පෝරම බාගත කරගන්න

ලියාපදිංචි කිරීමේ ඉල්ලුම් පත්‍රය පිළිගැනීමෙන් පසු අපනයනකරුට මණ්ඩලය විසින් ලියාපදිංචි අංකයක් වෙන් කරනු ලැබේ.

මෙම රෙගුලාසි යටතේ නිකුත් කර ඇති ලියාපදිංචි අංකය මාරු කිරීමට හො පැවරීමට නොහැක

  • මෙම යෝජනා ක්‍රමය යටතේ ලියාපදිංචි කර ඇති අපනයනකරුවන් ශ්‍රී ලංකා අපනයන සංවර්ධන මණ්ඩලය වෙත වාර්ෂිකව ලියාපදිංචි අළුත් කිරීම සඳහා ලියාපදිංචි වීමේදී දැනට නිකුත් කර ඇති ලියාපදිංචි අංකය ඉදිරිපත් කිරීමට අවශය වේ.
  • අයදුම්පත්‍රයේ වෙනස් කිරීම් හෝ එකතු කිරීම් පමණක් පෙන්විය යුතු ය
  • වෙනස්කම් නොමැති නම්, වෙනස්කම් කිසිවක් නොමැති බව අයදුම්පත්‍රයේ සටහන් කළ යුතුය
  • ලියාපදිංචිය සෑම වසරකම ජනවාරි 31 දිනට පෙර අලුත් කළ යුතුය


ශ්‍රී ලංකා අපනයන කරුවන්ගේ නාමාවලිය සඳහා ලියාපදිංචි වීම

දැනට අපනයන කරුවන්, අපනයනකරුවන්ගේ නාමාවලිය සඳහා ලියාපදිංචි කිරිමේ ක්‍රියාවලිය පවත්වාගෙන යනු ලබන්නේ වෙළඳ පහසුකම් සැලසීමේ හා වෙළඳ තොරතුරු අංශය මගිනි. මෙම ක්‍රියාවලියේ මූලික අරමුණ අපනයනකරුවන් ගේ යාවත්කාලීන දත්ත පද්ධතියක් පවත්වාගෙන යාම තුලින් විදේශීය ගැනුම් කරුවන්ට ඉතා පහසුවෙන් දේශීය විකුණුම්කරුවන් පිලිබඳ තොරතුරු ලබා ගැනීමට ඉඩ ප්‍රස්ථා සැලසීමයි. 
මෙම නාමාවලිය සඳහා ලියාපදිංචි වීමට අපනයන කරුවන් විසින් සම්පුර්ණ කරන ලද අයදුම්පත්‍රයක් වෙළඳ පහසුකම් සැලසීමේ සහ වෙළඳ තොරතුරු අංශයට බාරදිය යුතුය. වාර්ෂිකව තොරතුරු යාවත්කාලීන කිරීම සඳහාද මෙම අයදුම්පත්‍රය බාවිතා කල හැක.

අයදුම්පත්‍රය බාගත කරගන්න - අපනයන කරුවන්ගේ නාමාවලිය


විද්‍යුත් වෙළඳපොළ සඳහා ලියාපදිංචි වීම

ශ්‍රී ලංකා අපනයන සංවර්ධන මණ්ඩලයේ නිල වෙබ් අඩවිය වන www.srilankabusiness.com වෙබ් අඩවිය හරහා දේශීය අපනයනකරුවන්ට තම නිෂ්පාදන හා සේවා ලෝකයට  විවෘත කිරීමේ හැකියාව ලැබේ. අන්තර්ජාලය හරහා දේශීය නිෂ්පාදන හා සේවා ප්‍රවර්ධනය කිරීමේ සහ විකිණීමේ ප්‍රමුඛ විද්‍යුත් වෙළඳපොළක් ලෙස ශ්‍රී ලංකා අපනයන සංවර්ධන මණ්ඩල විද්‍යුත් වෙළඳපොළ හැඳින්විය හැක. ගැනුම්කරුවන්ට/පාරිභෝගිකයන්ට  අපනයන සංවර්ධන මණ්ඩල විද්‍යුත් වෙළඳපොළ හරහා  පුළුල් පරාසයක විහිදී ඇති දේශීය අපනයන නිෂ්පාදන සහ සේවා පිලිබඳ තොරතුරු ලබා ගැනීම මෙන්ම ණයවර පත් හරහා ඉතා ආරක්ෂිතව ඒවා මිලදී ගැනීමේ හැකියාවද ඇත.

මෙම ප්‍රමුඛ කර්තව්‍යය හරහා ලොවපුරා විසිරි සිටින ගැනුම්කරුවන්, විකුණුම්කරුවන්, භාණ්ඩ ප්‍රවාහකයන්, වෙළඳපොල හා අපනයන නිෂ්පාදන පිලිබඳ තොරතුරු සමග එකම විද්‍යුත් වේදිකාවකට ගොනු කරනු ලබන අතර මෙම දුෂ්කර කර්තව්‍යය වඩාත් කාර්යක්ෂමව කරගෙනයාම සඳහා ශ්‍රී ලංකා අපනයන සංවර්ධන මණ්ඩලය මගින් ඉතා ආරක්‍ෂිත සහ විශ්වාසදායි විද්‍යුත් වෙළඳපොළ පරිගණක මෘදුකාංගයක් ගැනුම්කරුවන්ට හා විකුණුම්කරුවන්ට භාවිතා කිරීමේ පහසුකම සලසා ඇත. මෙම පරිගණක මෘදුකාංගය භාවිතයෙන් ලොවපුරා විසිරි සිටින ගැණුම්කරුවන්ට දේශීය අපනයන නිෂ්පාදන ලොව ඕනෑම ස්ථානයක සිට අන්තර්ජාලය හරහා පහසුවෙන් මිලදී ගැනීමේ හැකියාව ලැබෙන අතර එම මිලදී ගන්නා ලද නිෂ්පාදන ගැනුම්කරුට අභිමත ස්ථානයකට ප්‍රවාහනය කිරීමේ වගකීම දැරීමට ලොව ප්‍රමුඛ භාණ්ඩ ප්‍රවාහන සමාගම් දෙකක් ශ්‍රී ලංකා අපනයන සංවර්ධන මණ්ඩලය සමග අත්වැල් බැඳගෙන සිටී.

ඔබ www.srilankabusiness.comවෙබ් අඩවිය සමග ලියාපදිංචිවිය යුත්තේ ඇයි?

  • ඔබේ අපනයන නිෂ්පාදන සහ සේවාවන් ඉතා අඩු මුදලකට ප්‍රවර්ධනය කල හැකි වීම.
  • පුළුල් පරාසයක පාරිභෝගික පිරිසක් වෙත පහසුවෙන් ලඟාවිය හැකි වීම.
  • රාජ්‍ය අනුග්‍රහය ලබන විද්‍යුත් වෙළඳපොළ හා වෙළඳ බිහිදොර හරහා ඔබේ ව්‍යාපාරයේ විශ්වාසනීයත්වය වැඩි කල හැකි වීම.
  • සන්නිවේදන සහ ප්‍රවර්ධන වියදම් සුවිශේෂී ලෙස අඩුවීම.
  • අන්තර්ජාලය හරහා අපනයන නිෂ්පාදන මිලදී ගැනීමේ පහසුකම.
  • ඔබේ අපනයන නිෂ්පාදන භාණ්ඩ ප්‍රවාහන ක්ෂේත්‍රයේ ප්‍රමුඛ සමාගම් මගින් කලට වෙලාවට ගැනුම්කරු වෙත ප්‍රවාහනය කිරීම.
  • ප්‍රමුඛ ජාත්‍යන්තර බැංකුවක් හරහා  රහස්‍ය භාවය රැකෙන අයුරින් ආරක්ෂිතව ගණුදෙනු කිරීමේ හැකියාව.

ලියාපදිංචි වීම නොමිලේ (උපරිම අපනයන නිෂ්පාදන 10 ක් සඳහා)

වාර්ෂිකව ලියාපදිංචිය අලුත් කිරීම සඳහා (සමාගම් විස්තරය සහ අපනයන නිෂ්පාදන පිලිබඳ තොරතුරු යාවත්කාලීන කිරීම් සමගින්) - රු. 1,000/=

එක් ගනුදෙනුවක් සඳහා 6% ක සේවා ගාස්තුවක් අයකරනු ලැබේ (HSBC බැංකුවේ සේවා ගාස්තුවද ඇතුළුව).

අයදුම්පත්‍රය බාගත කර ගන්න - විද්‍යුත් වෙළඳපොළ


අන්තර්ජාලය හරහා ආනයන/අපනයන සංඛ්‍යා දත්ත ලබාගැනීම සඳහා ලියාපදිංචි වීම

ශ්‍රී ලාංකීය ආනයන/අපනයන සංඛ්‍යා දත්ත අන්තර්ජාලය හරහා ලබා ගැනීමේ පහසුකම ශ්‍රී ලංකා අපනයන සංවර්ධන මණ්ඩලය මගින් සලසා ඇත. මේ පහසුකම ලබා ගැනීම සඳහා දායකත්ව මුදල වසරකට රුපියල් 2500/= කි.

අයදුම්පත්‍රය බාගත කරගන්න  - ආනයන/අපනයන සංඛ්‍යා දත්ත


වෙබ් දැන්වීම්

ශ්‍රී ලංකා අපනයන සංවර්ධන මණ්ඩලය, අපනයන ප්‍රවර්ධනය සහ සංවර්ධනය කිරීම සදහා වූ ප්‍රමුඛතම රාජ්‍ය ආයතනය වේ www.srilankabusiness.com යන අපගේ වෙබ් අඩවිය, අතිශයින්ම ඵලදායි B2B අලෙවිකරණ හා ජාලකරණ වේදිකාවක් වන අතර දේශීය හා අන්තර්ජාතික ව්යාපාරිකයින් හා ඔවුන් නියෝජනය කරන නියෝජිතයන් ගේ ආකර්ශනයට ලක්වූ කාලීන තොරතුරු වලින් දැනුවත් වෙබ් අඩවියක් වේ.

එම නිසා අපගේ වෙබ් අඩවියේ ඔබගේ වෙළඳ දැන්වීම් ප්‍රචාරණය කිරීමෙන්, ඔබේ ව්යාපාරය සඳහා ප්‍රචාරණයක් ලබා ගන්න. අපගේ වෙළඳ ප්‍රචාරණ ප්‍රතිපත්තිය සහ නිර්මාණාත්මක මාර්ගෝපදේශ වැඩිදියුණු කරගත හැකි වන පරිදි ඔබට අප සමඟ ප්‍රචාරණය කළ හැකි ආකාරය ගැන පැහැදිලි අදහසක් ලබා ගැනීමට මෙම සබැඳිය ක්ලික් කරන්න.

වෙබ් දැන්වීම් අයකිරීම් ගාස්තු

දේශීය අපනයනකරුවන් සඳහා දැන්වීම් ගාස්තුදේශීය සේවා සපයන්නන් සඳහා දැන්වීම් ගාස්තු අයදුම්පත්‍රය බාගත කිරීම - වෙබ් දැන්වීම්