පොල් හා පොල් ආශ්‍රිත නිෂ්පාදන

දිසිදි පොල්

පොල් මදයෙන් සකසා ගනු ලබන මෙම වියළන ලද පොල් රසකැවිලි කර්මාන්තය සඳහා යොදා ගනු ‍ලැබේ. මේවා සකසනු ලබන ආයතන 62 ක් පමණ ශ්‍රී ලංකාවේ තිබෙන අතර සමස්ත වාර්ෂික නිෂ්පාදනය දළ වශයෙන් මෙට්‍රික් ටොන් 75,000 ක් පමණ වේ.

මෙම සෑම ආයතනයකම තත්ත්ව පාලන රසායනාගාරද පවතී.

නිෂ්පාදන‍‍යෙහි අන්තර්ගතය

ප්‍රධාන වෙළෙඳපොළවල්
යුරෝපීය සංගමය, ෆින්ලන්තය, තුර්කිය, ඊජිප්තුව, එක්සත් අරාබි එමීර් රාජ්‍යය සහ බ්‍රසීලය

කොහු ලනු
මේවා ගැනුම්කරුවන්ගේ අවශ්‍යතාවන්ට අනුව රළු කෙඳි (දිගු කෙඳි) හෝ ගොරෝසු කෙ‍ඳි හා ඔමැට් කෙඳි (කෙටි කෙඳි) මිශ්‍ර කිරීමෙන් සාදනු ලැබේ.

ප්‍රධාන වෙළෙඳපොළවල්
ඇමරිකා එක්සත් ජනපදය, එක්සත් රාජධානිය, ප්‍රංශය, දකුණු කොරියාව හා ජපානය

පා පිස්නා (අතින් නිමැවූ/ යන්ත්‍රානුසාරයෙන් නිමැවූ)
කොහු ලනු, නූල් හෝ කොහු කෙඳි හණ නූල් සමඟ මිශ්‍ර කර පා පිස්නා සාදනු ලැබේ.

ප්‍රධාන වෙළෙඳපොළවල්
යුරෝපීය සංගමය සහ බල්ගේරියාව

පා පිස්නා (කොහු හා වානේ දුනු සහිත)
වානේ කම්බි යොදා ගනිමින් කොහු කෙඳි වලින් පා පිස්නා නිමවන අතර මේවා ශීත සෘතුව සඳහා විශේෂයෙන් යෝග්‍ය වේ.

ප්‍රධාන වෙළෙඳපොළවල්
ජර්මනිය, නෙදර්ලන්තය හා එක්සත් රාජධානිය

කාබනික අඟුරු
පොල් කටු වලින් නිපදවෙන මේවා විශේෂයෙන්ම සකසනු ලබන්නේ ගෘහස්ථ සහ එළිමහන් පැලහීම  (බාබක්‍යු)  සඳහාත් ගෘහස්ථ උණුසුම්කිරීම සඳහාය.

ප්‍රධාන වෙළෙඳපොළවල්
මැද පෙරදිග

සක්‍රීය කාබන්  (Activated Carbon)

නොකරන බැවින් ආහාර සැකසුමේදී හා ඖෂධ නිෂ්පාදනයේදී යොදා ගැනීම සඳහා අතිශ‍යින්ම සුදුසුය. මේවා විවිධ කර්මාන්ත වල පවිත්‍රකරණ කටයුතු සඳහා යොදා ගත හැකිය.

ප්‍රධාන වෙළෙඳපොළවල්
ඇමරිකා එක්සත් ජනපදය, දකුණු අප්‍රිකාව, එක්සත් රාජධානිය, ජපානය සහ කැනඩාව   

කොහුලනු පැදුරු/ දැල්‍ (Geotextiles)
පාංශු ස්ථායිකරණයට, භූමි දර්ශන සැකසීමට සහ ඛාදනය පාලනය කිරීමට යොදා ගන්නා මෙම භූමි ස්ථරණ පාරිසරික හිතකාමී ද්‍රව්‍යයන් වේ.

ප්‍රධාන වෙළෙඳපොළවල්
දකුණු කොරියාව, ජපානය, නෙදර්ලන්තය සහ ජර්මනිය

ගෙවතු වැවීම් කලාව සහ කෘෂි කර්මාන්තය සඳහා රබර් මිශ්‍රිත කොහු  නිෂ්පාදන
මල් පෝච්චි වල ඇතුළු ස්තරය, කූඩවල වැස්ම, වැල් සඳහා ආධාරක කණු සහ රබර් මිශ්‍රිත කොහු භූමි ස්තරණ ආදිය නිපදවනුයේ කොහු කෙඳි වලට සම්මිශ්‍රණය කළ රබර් කිරි ඉසීමෙනි.

ප්‍රධාන වෙළෙඳපොළවල්
කොරියාව, ජපානය, නෙදර්ලන්තය සහ ජර්මනිය

රබර් මිශ්‍රිත කොහු මෙට්ට
මෙට්ට නිපදවීමේදී සිදු කරනුයේ කොහු කෙඳි හා රබර් කිරි වලින් සැදුම්ලත් මිශ්‍රණයක් වාෂ්පයෙන් රත්කොට, පීඩනයට ලක් කොට වොල්කනයිස් කිරීමයි.

ප්‍රධාන වෙළෙඳපොළවල්
නෙදර්ලන්තය සහ ජපානය

‍කොහුබත් ආශ්‍රිත නිෂ්පාදන (ජීර්ණක ද්‍රව්‍ය)
පොල් ලෙල්ලෙන් කෙඳි ඉවත් කිරීමේ ක්‍රියාවලියේදී ප්‍රධාන වශයෙන්ම කුඩු වැනි‍ ද්‍රව්‍යයකින් සමන්විතව ශේෂ වන්නා වූ ද්‍රව්‍ය කොහු බත් යනුවෙන් හැඳින්වෙන අතර එය යුරෝපයේ භාවිතා කෙරෙන ජීර්ණක පෙඳ (peat moss) වලට ආදේශකයක් ලෙස භාවිතා වේ.

මේවා කැට, කුට්ටි, තැටි හෝ වර්ධක මළු හෝ හැඩතල වශයෙන් අපනයන කෙරේ.
 
ප්‍රධාන වෙළෙඳපොළවල්
නෙදර්ලන්තය, ඉතාලිය, ජපානය, දකුණු කොරියාව සහ තායිවානය

පොල් කිරි සාරය හා කිරි
කෘතිම රසකාරක හෝ කල්තබාගැනීමේ ද්‍රව්‍ය අඩ‍ංගු නොවූ, පොල් මදයෙහි 100% ක් නැවුම් සාන්ද්‍රිතය හොදි සහ අතුරුපස සෑදීමේදී භාවිතා කෙරේ.